SIBALE ACADEMY CLASS'83 20TH ANNIVERSARY THEME SONG
Composed by:  Zabeth Fabreag

Introduction:
Rahali, rahali, kaming magkaklase
Muyati ag masri, ka Class ’83
Kumustahan, istoryahan, kablitan, ginur-anan
           Hinghingan, hinayakhakan, kaunan, kantahan ag sadawan I.
  Amo ra akomposon isla it Sibale
          Probinsiya it Romblon, Concepcion kung ayabahon
          Buyan ra it Abril, petsa beinte uno
          Adlaw ra it Lunes, panahon nak maado  
II.
Sa rugay it panahong waya pagkikita
          Rahali sa ngasing kaming magkaka-eskwela
          Inro ra muyatan ka amo pagsasadya
          Kung paunong kami ay nagkakausa
III.  
  Bilang magkaka-eskwelang rugay it binuyagan
          Inro masasksihan ka amo sinunranan
          Kung paunong kami ay waya gi lilimutan
          Ipapakita sa inro ka amo higugmaan  
IV .  
          Karamuan sa amo ay mga titulado
          Kilaya ra siguro ninro kung sa si-o
          Kada ngasing kami’y rahali sa inro
Matao it sadya bilang reunion namong magkaka-eskwela
V .
Pangamuyo namo sa Poong Maykapal
Basi pang sa masunor nak ato pagbibinuyagan
Taw-an kitang tanan it mahabang buhay
Para at’ maranasan, maulit uli ka pagpipisan
V I .
Maramong salamat sa tanang nagpa-uli
Lalo-ey sa maestro ag maestrang nagpunyagi
Ka inro sakripisyo ag paghihirap ay bawi
Mabuhay! Mabuhay! Sibale Academy
Mabuhay! Mabuhay! Mabuhay! Class ’83